Spazi ed ambient

L'utilisaziun e la cuvrida dal terren sa midan permanentamain. Da la surfatscha totala da la Svizra appartegnan actualmain circa 35,9% a surfatschas agriculas, 31,3% a guaud e chagliom e 7,5% a surfatschas d'abitadi. 25,3% da la surfatscha naziunala appartegnan ad ulteriurs territoris natirals. En quest connex sa tracti p.ex. d'auas, da chagliom, da vegetaziuns da chaglia u d'erva sco er da surfatschas senza vegetaziun sco grippa, grava u glatschers.

Il consum d'aua da baiver da la Svizra è sa reducì dapi l'onn 1990 per 21%.
L'onn 1990 importava il consum per di 472 liters per persuna, l'onn 2016 eran quai anc 300 liters. En questas indicaziuns n'è però betg cuntegnida l'atgna explotaziun dal mastergn, da l'industria e da l'agricultura. Er l'aua che vegn duvrada a l'exteriur per producir ils products importads n'è betg resguardada.

https://www.bfs.admin.ch/content/bfs/rm/home/statisticas/spazi-ambient.html