Tranter 2007 e 2017 è il temp da lavur effectiv per emna da las emploiadas e dals emploiads en plazzas a temp cumplain (senza emploiadas ed emploiads en l’atgna interpresa) sa diminuì per 17 minutas a 41 uras e 7 minutas. Las vacanzas da las emploiadas e dals emploiads en plazzas a temp cumplain èn vinavant s’augmentadas cuntinuadamain. Ellas èn s’auzadas da 4,9 a 5,1 emnas, quai che correspunda ad in augment dad in di. Concernent las uras da lavur e las emnas da vacanzas sa differenzieschan las lavurantas ed ils lavurants independents da las emploiadas e dals emploiads. L’onn 2017 han las lavurantas ed ils lavurants independents en plazzas a temp cumplain lavurà en media 8 uras dapli per emna ed èn sa prestads 4 dis pli pauc vacanzas per onn che emploiadas ed emploiads en plazzas a temp cumplain.
