Pretschs

La chareschia annuala è restada negativa ed importava l'onn 2016 -0,4%. L'onn 2017 ha la valur dal franc svizzer pers in zic envers la valur da l'euro. En vista a la recreaziun da l'economia mundiala èn ils exports svizzers creschids vinavant. Il consum intern è però stà moderà, ha tuttina contribuì a la creschientscha dal PNB. Cun ina valur da 0,5% è la chareschia puspè returnada en il sectur positiv.

Tranter ils onns 2013 e 2015 èn ils pretschs da construcziun sa reducids levamain (sectur da construcziun: -0,4%; construcziun auta: -0,4%; construcziun bassa: -0,4%). Ils onns 2016 e 2017 ha cuntinuà la tendenza vers engiu dals pretschs en il sectur da construcziun e tar la construcziun auta, entant ch'ils pretschs tar la construcziun bassa han mussà in lev augment. Ils pretschs dal sectur da construcziun e da la construcziun auta sa chattavan l'onn 2017 pia sut il nivel da l'onn 2016 (-0,6% resp. -0,7%), entant ch'ils pretschs da la construcziun bassa èn restads sin in nivel pli aut (+0,1%).

https://www.bfs.admin.ch/content/bfs/rm/home/statisticas/pretschs.html