L'enquista da structura fa part dal sistem da dumbraziun dal pievel. A chaschun da l'enquista da structura interroghescha l'Uffizi federal da statistica en scrit ina pitschna part da la populaziun. L'enquista cumplettescha las infurmaziuns dals registers e furnescha statisticas supplementaras davart la structura da la populaziun. Emprims resultats stattan a disposiziun in onn suenter il di da referenza. Plinavant vegnan mess a disposiziun resultats cumulads per las periodas da 3 e da 5 onns.
Caracteristicas da l'enquista da structura:
- Infurmaziuns davart la populaziun, las chasadas, las famiglias, l'abitar, la lavur, la mobilitad pendulara, la furmaziun, la lingua, la religiun e la migraziun;
- emprova da controlla tar almain 200 000 persunas;
- respostas online u sin questiunari da palpiri;
- realisaziun mintga onn, il di da referenza è ils 31 da december;
- profunditad geografica: Svizra, regiuns grondas, chantuns e vischnancas a partir da 15 000 abitantas ed abitants;
ils resultats pon vegnir cumulads per 3 e per 5 onns. Quai permetta da far evaluaziuns geograficamain pli pitschnas u tematicamain pli detagliadas; - ils chantuns e las citads pon engrondir lur emprovas da controlla.
