Spazi ed ambient

L’utilisaziun e la cuvrida dal terren sa midan cuntinuadamain. La surfatscha totala da la Svizra sa cumpona actualmain da circa 35,9% surfatschas da terren agricul, da 31,3% guaud e bostgaglia e da 7,5% surfatschas d’abitadi. Ils ulteriurs territoris natirals cuvran 25,3% da la surfatscha da la Svizra. Quai èn per exempel auas, bostgam, vegetaziun da chaglias e d’ervas sco er surfatschas senza vegetaziun sco grippa, glera u glatschers.

Circa 80% da l’aua da baiver deriva da l’aua sutterrana. Var la mesadad da quella è aua da funtauna. Il rest da l’aua da baiver vegn obtegnì dals lais. L’onn 2017 èn vegnids nettegiads 931 miu. meters cubic aua da baiver. Dapi l’onn 1990 è il consum d’aua da baiver da la Svizra sa diminuì per 20%. L’onn 1990 importava il consum per di e per persuna 472 liters, l’onn 2017 eran quai mo pli 301 liters. Questas indicaziuns na cumpiglian però betg la preparaziun ed il consum dal commerzi, da l’industria e da l’agricultura. Er l’aua ch’è vegnida utilisada a l’exteriur per la producziun da rauba importada n’è betg vegnida resguardada en la calculaziun.

Nota

Las paginas rumantschas porschan mo infurmaziuns parzialas. Per ils cuntegns cumplets As supplitgain nus da consultar las paginas en tudestg u franzos (guardar il link survart).

https://www.bfs.admin.ch/content/bfs/rm/home/statistiken/raum-umwelt.html