Rapport da gestiun (en tudestg)
Planisaziun da la legislatura (en tudestg)
Cussegl federal – Agenda politica – Planisaziun da la legislatura 2019-2023 (en tudestg)
Ils indicaturs da la legislatura servan ad observar las finamiras ch'il Cussegl federal ed il parlament han fixà en la planisaziun da la legislatura 2019-2023. Quests indicaturs derivan d'in sistem da monitoring che cumpiglia tut ils champs d'incumbensa da la Confederaziun. L'entir sistem cuntegna 170 indicaturs. Da quels èn vegnids tschernids ils 52 indicaturs da la legislatura.
Il sistem da monitoring è vegnì sviluppà da l'Uffizi federal da statistica per incumbensa da la Chanzlia federala.
Ils indicaturs da la legislatura vegnan duvrads per elavurar l'analisa da la situaziun en il rapport da gestiun dal Cussegl federal (disponibel en tudestg, talian u franzos).
Indicaturs da la legislatura
Dapli infurmaziuns
Publicaziuns
Links
Basas e retschertgas
Finamira, structura e cunfins
Retschertgas, funtaunas
Indicaturs da la planisaziun da la legislatura
Ils indicaturs da la planisaziun da la legislatura servan ad observar las finamiras ch'il Cussegl federal ed il parlament han fixà en la planisaziun da la legislatura. Quests indicaturs derivan d'in sistem da monitoring che cumpiglia circa 150 indicaturs da tut ils champs d'incumbensa da la Confederaziun. Il sistem furnescha er las infurmaziuns statisticas necessarias per elavurar las analisas da la situaziun en ils rapports da gestiun dal Cussegl federal ed en la missiva davart la planisaziun da la legislatura.
Construcziun dal sistem da monitoring
Il sistem da monitoring è ina resposta a las pretensiuns cuntegnidas en la Lescha dal parlament. Quellas pretendan ch'i vegnia controllà regularmain, quant enavant che las finamiras da la legislatura èn cuntanschidas. Il sistem serva a rimnar, ad analisar ed a preschentar infurmaziuns per pudair persequitar cuntinuadamain ed a lunga vista la dimensiun e la direcziun da midadas entaifer in tschert tema. Tut ils indicaturs dal sistem da monitoring sa refereschan a las finamiras surordinadas ed a las basas legalas (leschas, missivas, strategias) dal catalog d'incumbensas da la Confederaziun ch'è publitgà en il plan da finanzas da la legislatura (agiunta 4). Ils indicaturs èn vegnids tschernids en stretga collavuraziun cun tut ils departaments e cun ils uffizis pertutgads, observond ils princips da la statistica uffiziala (tranter auter l'independenza, la neutralitad, la coerenza e la transparenza). Dals 150 indicaturs dal sistem ha la Chanzlia federala – ensemen cun ils departaments – tschernì quels indicaturs da la legislatura che correspundevan il meglier a las finamiras quantifitgablas da la planisaziun da la legislatura.
Cunfins dal monitoring da las finamiras dal Cussegl federal
Ils cunfins dal monitoring da las finamiras dal Cussegl federal e dal parlament resultan dal fatg che las finamiras strategicas da la planisaziun da la legislatura sa refereschan a secturs tematics da differenta grondezza. In dumber limità d'indicaturs po perquai resguardar mo in tschert aspect d'ina finamira strategica. En sia funcziun sco sistem da monitoring n'è il sistem plinavant betg adattà per evaluar u per controllar programs politics u mesiras politicas concretas.
Diffusiun
Ils indicaturs da la legislatura vegnan publitgads online sin il portal dal UST. Els vegnan actualisads regularmain, tut tenor la disponibladad da las datas. La glista cun tut ils indicaturs dal sistem è publitgada en il rapport dal project (en tudestg u franzos).
