Grundlagen und Übersichten - Die Schweiz im ÜberblickInfurmaziuns en rumantsch
Chara lectura, char lectur
La «Survista statistica da la Svizra» n’intermediescha betg mo per tudestg las infurmaziuns statisticas las pli impurtantas, mabain era per rumantsch, per franzos, per talian e per englais. Ella è disponibla per mintgin e bain chapibla grazia a las graficas ed als texts.
La Survista statistica da la Svizra vegn stampada 100 000 giadas ed è uschia la publicaziun la pli voluminusa che l’Uffizi federal da statistica (UST) edescha. giadas ed è uschia la publicaziun la pli voluminusa che l’Uffizi federal da statistica (UST) edescha. Il Portal statistic da la Svizra cun sias 2,5 milliuns visitas ad onn è la referenza statistica online (2008). Tut las publicaziuns da l’UST – da quellas fa part era la Survista statistica – e d’ulteriurs uffizis publics da statistica èn accessiblas gratuitamain en il portal da statistica. Ultra da questas publicaziuns pon vegnir telechargiadas dapli che dieschmilli datotecas en il Lexicon statistic (www.lexikon-stat.admin.ch).
Omaduas purschidas adempleschan mintgamai in agen intent: tgi che dovra las infurmaziuns statisticas las pli actualas u resultats detagliads chatta quels en il Portal statistic; tgi che vul adina pudair s’infurmar spert e da tut temp davart fatgs statistics – e quai era senza avair access a las raits da communicaziun – prenda per mauns questa broschura pratica. Tut tenor basegn è adattada plitost la gronda quantitad da datas e d’infurmaziuns ch’il Portal statistic porscha u plitost la furma concisa da l’ediziun da giaglioffa.
Omaduas purschidas han lur «attracziuns». En la Survista statistica vegnan cumparegliadas 40 cifras distinctivas en ina perspectiva internaziunala che cumpiglia la Svizra, ses pajais vischins e tut ils 25 pajais da l’Uniun europeica. Il Portal statistic dispona dapi dacurt da la pagina «Novitads en il portal» che preschenta a moda concisa ina survista da las novas publicaziuns e da las colliaziuns correspundentas.
Jau giavisch a Vus ina lectura infurmativa cun la nova survista statistica 2010 e visitas detagliadas al Portal statistic da l’Uffizi federal da statistica.
Dr. Jürg Marti
Directur
Uffizi federal da statistica (UFS)
- Survista statistica da la Svizra 2011
- BFS
- Neuchâtel 2011, 51 Seiten, Gratis
- Bestellnummer: 024-1100 / ISBN: 978-3-303-00443-2
- Erschienen am 25.02.2011
Cuntegn:
Geografia, ambient, populaziun, lavur, pajas e pretschs, product naziunal, bilantscha dals pajaments, entradas dals chantuns, structura da manaschi e da branscha, industria e commerzi cun l’exteriur, agricultura, energia, la Svizra e l’Europa, turissem, traffic, construir ed abitar, consum privat , finanzas publicas, bancas, assicuranzas, segirtad sociala, meds da massa, sanadad, scolaziun e scienza , politica , criminalitad , ils chantuns da la Svizra.
- Dumbraziun dal pievel 2000
La situaziun actuala dal rumantsch- BFS
- Neuchâtel 2005, 152 Seiten, Fr. (exkl. MWST) 20.00
- Bestellnummer: 001-0059 / ISBN: 3-303-01203-2
- Erschienen am 14.09.2005
Tge examinescha il studi exactamain? Ina part istorica cun ils chapitels 1-3 resguarda la perioda dal 1860 al 2000. Ils chapitels suandants tematiseschan las midadas succedidas tranter il 1990 ed il 2000 (resp. il 2003). Tant en la part istorica sco en quella deditgada al preschent vegn la situaziun dal rumantsch examinada sin trais nivels: en il context naziunal, en l’entir chantun ed en il Grischun rumantsch. Per las regiuns tradiziunalmain rumantschas vegn la perioda dal 1990 al 2000 analisada ultra da quai sut ils suandants aspects specifics: lingua dumagnada il meglier, lingua discurrida cun la famiglia, lingua professiunala, lingua da communicaziun en scola, relaziun tranter il rumantsch e las linguas estras.
- Midadas en l'agricultura
Observaziuns da 100 onns dumbraziuns dals manaschis agriculs- BFS
- Neuchâtel 2006, 4 Seiten, Gratis
- Bestellnummer: 828-0500
- Erschienen am 22.12.2006
- La nova dumbraziun dal pievel
- BFS
- Neuchâtel 2010, 6 Seiten, Gratis
- Bestellnummer: 1142-1001
- Erschienen am 01.10.2010
A partir dal 2010 datti ina midada fundamentala: l’Uffizi federal da statistica (UST) realisescha ed evaluescha la dumbraziun dal pievel en in ritmus d’in onn ed en ina nova furma. Per distgargiar la populaziun sa basa el en emprima lingia sin las infurmaziuns dals registers d’abitantas e d’abitants e cumplettescha quellas cun enquistas basadas sin provas da controlla.
Da nov vegn mo pli ina fitg pitschna part da la populaziun (ca. 5%) dumandada en scrit u via telefon. L’emprim di da referenza per la nova dumbraziun dal pievel è ils 31 da december 2010.